Zion Tangko Hawm 5 Na
ZION TANGKO
Hawm Nga na
Copies 150
Periodical of Apostolic Herald Herald
The Full Gospel to the Whole World
Thuman thutak ahi Jesu ahihna bangin a pom/asang mi hi ding hi...
Jesu in Satan tungah thukhenna tawh gualzawhna lakkhin zo hi cih athei mi ahi hi…
AD 30 hun pawl a, Pentecost Day ni in Khasiangtho hong kibua in Pawlpi hong ding hi cih upna neimi hi ding hi.
Sawltakte upna, thuhilhna, zuihna, lametna banglian anei mi hi ding…
Jn. 16:8-12; Mk.16:15-17; Act. 1:8; 2:38-39; Gal.1:7,9; Efe.4:4-5; Mt.16:18-19.
A sunga om thute
Editorial Laikhung pan
Jesu in zong lamdang a sak nihvei
US Congress Thu Tomlakna
LST Biakinnpi Tangthu
Israel leh Jerusalem (312-1967)
Biakinn thupitna
Thunget khop ciang
Editorial Laikung pan
Zion Tangko hawm ngana ciang ah hong tun Topa minthang semsem ta hen.
Lungsim khempeuh tawh Topa ih it ding mah a lunggulh penpen hi a, "bangzah pia na hiam cih sangin bang cipiak" cih Topa in hong kalzaw hi.
Pasian khat bek na upna pen a dang khempeuh sangin tua khat bek tungah na lungsim a piakhia na hi hi.
Ama tung bek ah na upna, lawpna, lametna, khamuanna, lungdamna, piakkhiatna, phatna leh na nuntakna na ngak ding adeih penpen ahi hi.
Gil a kial mahmah ciangin anhuan buk ah kipai in, ankhing a om hiam, niangtui ding a om hiam kizong hi. Bangmah a om kei leh market ah kipai phot in, an kihuan to a, minute 10 sung in ih gil a vah ziau ding hi napi in, an huan phot in, an thuk in, ih gil vah ziau na ding nai 2 sung ih buaipih hi. Ih gilkial man hilel a, ih gilvah nadingin ih hun khem peuh ih bei ding haksa ih sa kei hi, ih gil a vahciangin ih lung akim pan hi.
Pasian in na tungah a lunggulhna tawh a itna gilkial den a, na lungsim khempeuh na piakzawh hun dong hong ngak den hi.
Ih nuntakna leh ih lungsim siangthote ama adingin piakhia ciat ni.
Jesu in zong lamdang a sak Nihvei
1. Galkap Mang upna (Mt.8:5-13). Gentel mi khat ahih hangin, a upna Jesu in lamdang sa mawk hi.
2. Kanaan numei upna (Mt.15:21-28): Tate nekna sabuai pan a kiasuk a anthemte ui in tawm buang hilo hiam, uinek ante a kingah zodiam cih kammal pan in hih Gentel numei upna pen Jesu mahmah in lamdang sa hi.
Abraham suan sungpan zong hi bang upna ka mu naikei a cihte pen Gentail mite, Israel miten a neu muhmahmahte ahi uh hi. Jesu lungsim lawngkha veve a, a upna bangin Jesu in nasem veve hi. Sanggam aw, ei lam hizawlo in, ih up Jesu Pasian muanhuai hi. Ei ki mangngilh bawl phot in Jesu liansak zaw ni. Nalamdang a bawl 36 vei bang bek kiciamteh a, Jesu nangawn in lamdang a sak a tunga nam nihte ahi hi.
US Congress thu tomlakna
Website: https://en.wikipedia.org/wiki/114th_United_States_Congress
114th US Congress: Zion tangko hawm li na ah US president khempeuh ih gen khin a, tu in Congress thu ih gen ding hi. 1789-2017 term khat kum nihzel hi in tun a 114 veina hita hi. Tulian laitak panmun neite:
Senate President: Joe Biden
Senate Pres. Pro. Tem. Orrin Hatch
House Speaker: Paul Ryan
Members: 100 Senators
: 435 representatives
: 6 non-voting members
Term :Jan 3, 2015-Jan 3, 2017
US Kimakaihzia: State 13 kigawm khawm pen United States kici hi. Gentehna in Pentecostal Church Incorporated (PCI) leh Pentecostal Assemblies of Jesus Christ (PAJC) pawlpi nih khat ah hong kigawmkhopna United Pentecostal Church (UPC) kici tawh kibang hi. Hih US state 13 te in British khutnuai pan in vai kikupna lianpi, hong bawlkhia uh a, ki ukna, kimakaihna, kumpi nangawn hong telkhia uh a, George Washington ahi hi. Amasa lai in Congress member khempeuh
kigawm pen 55 pha hi. US kumpi Vice president pen Congress ah president hipah hi. Tua ahih man in Congress ah president a sem masa penpen John Adams hi in, amah pen US kumpi nihna sem pen zong hipah hi. Tulaitak in US president Barrack Obama hi in, vice president pen Joe Biden ahi hi, Joe Biden pen Congress ah president hipah ih.
Congress ah members: State khat pan in Senators nihta congress ah member ahi hi. Tulaitak in US ah party lian mahmah nih bek om a, hih party te in state 50 ah a gualzawhna dungzui in congress ah amau party member a tam hipah hi. 113 leh 114 Congress Senate panmun etkakna
Kum Democratic Independent Republican
2013-2015 53 _ 2 (55%) 45 (45%)
2015-2017 44 2 (46%) 54 (54%
Congress ah vote neithei pen 435 hi in, Republican in tutung in 247 seats ngah in, 109th (2005) zawh republican gualzawh kum hizokik pan ci in ki ciam- teh hi. US sum budget leh ki ukna, galphuanna (declaring war) cihte congress khut sungah om hi...
Lai Siangtho Biakinnpi Tangthu
Solomon Biakinpi
1. Kumpi asep zawh a kum 11na ah biakinn lam kipan thei ta hi.
2. Kum sagih leh alang sung lam.
3. A lam khit zawh kum 13 ciang biakinn apna nei pan
4. Izipt pan Israelte a paikhiat zawh kum 490 phata (2Khng.3:2)
5. Abraham in a tapa Isaac biakpiakna in apiakna mun Moriah mual tung ah hih biakinnpi kilam kici hi (Pian.22:2).
6. Biakinn lamna ah a bei zah pen tulaitak in $ 3-6 billions tawh kikim ding kici hi
7. Biakinn lamte
- Israel mi 30,000
- Canaan & Foenisia mi 150,000
- Tyre khutsiam hon khat
8. Biakinn apna ah 1Kum.8:26-66
Bawng: 220,000
Tuu: 120,000
Ni 14 sung pawibawl hi.
9. Kum 410 sung hih biakinn ah biakpiakna nei thei uh hi (Solomon to Zedekiah).
10. BC 586 kum in Babylon kumpi Nebuchadnezzar in haltum sak hi.
11. Pasian ompihna hih biak inn ah omtawn tung hi.
Zerubbabel biakinn (a nihna)
BC 536 kum in biakinn foundation kipan theita
BC 534 kum in ki zom thei nawnlo
Biakinn lam a zom kik dingin Haggai leh Zekhariah te Topa in kamsangin zang hi.
BC 520 kum in kizomkik thei
BC 515 kum ciangin apna kinei thei ta in, biakinn lam kum 21 sung sawt hi.
6. Laisiam Ezra in hih biak inn sungah Pasian thukhamte simna nei in, hih biakinn ah thukham singkuang tawh ki ap kha nawnlo hi, mangta hi.
Biakinn thu (LST kikal hun)
BC 168 kum in Syria galkapmang Antochus Epiphanes in hih biakinn sungah vok tawh amau pasian biakna pia in, kum thum sung kalhcip hi. BC 165 kum ciangin Judah mi Macabees innkuan makaihna tawh Syria khut sung panin biakinn lakik zo uh a, siansuah kikna nei uh a, Hanukkah pawi kici hi.
BC 20 kum ciangin Herod the Great in puahpha kik a, Jesu hun ciangin kum 46 sawtta hi (Jn.2:20).
Laisiangtho biakinn beina
AD 70 kum in Rome galkap mang General Titus in haltum hi.
Sadducee te kimuhkhopna mun hiphadeuh ahih man in, AD 70 nung lam ciangin Sadducee kipawlna hong beisuak cih ding hi.
Religious Makeup, 2011 in Israel
Mi phazah :8,296,000.
Judaism : 5,907,500
Muslims : 1,354,300
Christian : 155,100
Druze :129,800
Other : 289,900
Hawm Nga na
Copies 150
Periodical of Apostolic Herald Herald
The Full Gospel to the Whole World
UPNA NEI MI IH CIHTE
Amawhna a kisikkik mi hi ding hi...Thuman thutak ahi Jesu ahihna bangin a pom/asang mi hi ding hi...
Jesu in Satan tungah thukhenna tawh gualzawhna lakkhin zo hi cih athei mi ahi hi…
AD 30 hun pawl a, Pentecost Day ni in Khasiangtho hong kibua in Pawlpi hong ding hi cih upna neimi hi ding hi.
Sawltakte upna, thuhilhna, zuihna, lametna banglian anei mi hi ding…
Jn. 16:8-12; Mk.16:15-17; Act. 1:8; 2:38-39; Gal.1:7,9; Efe.4:4-5; Mt.16:18-19.
A sunga om thute
Editorial Laikhung pan
Jesu in zong lamdang a sak nihvei
US Congress Thu Tomlakna
LST Biakinnpi Tangthu
Israel leh Jerusalem (312-1967)
Biakinn thupitna
Thunget khop ciang
Zion Tangko hawm ngana ciang ah hong tun Topa minthang semsem ta hen.
Lungsim khempeuh tawh Topa ih it ding mah a lunggulh penpen hi a, "bangzah pia na hiam cih sangin bang cipiak" cih Topa in hong kalzaw hi.
Pasian khat bek na upna pen a dang khempeuh sangin tua khat bek tungah na lungsim a piakhia na hi hi.
Ama tung bek ah na upna, lawpna, lametna, khamuanna, lungdamna, piakkhiatna, phatna leh na nuntakna na ngak ding adeih penpen ahi hi.
Gil a kial mahmah ciangin anhuan buk ah kipai in, ankhing a om hiam, niangtui ding a om hiam kizong hi. Bangmah a om kei leh market ah kipai phot in, an kihuan to a, minute 10 sung in ih gil a vah ziau ding hi napi in, an huan phot in, an thuk in, ih gil vah ziau na ding nai 2 sung ih buaipih hi. Ih gilkial man hilel a, ih gilvah nadingin ih hun khem peuh ih bei ding haksa ih sa kei hi, ih gil a vahciangin ih lung akim pan hi.
Pasian in na tungah a lunggulhna tawh a itna gilkial den a, na lungsim khempeuh na piakzawh hun dong hong ngak den hi.
Ih nuntakna leh ih lungsim siangthote ama adingin piakhia ciat ni.
Jesu in zong lamdang a sak Nihvei
1. Galkap Mang upna (Mt.8:5-13). Gentel mi khat ahih hangin, a upna Jesu in lamdang sa mawk hi.
2. Kanaan numei upna (Mt.15:21-28): Tate nekna sabuai pan a kiasuk a anthemte ui in tawm buang hilo hiam, uinek ante a kingah zodiam cih kammal pan in hih Gentel numei upna pen Jesu mahmah in lamdang sa hi.
Abraham suan sungpan zong hi bang upna ka mu naikei a cihte pen Gentail mite, Israel miten a neu muhmahmahte ahi uh hi. Jesu lungsim lawngkha veve a, a upna bangin Jesu in nasem veve hi. Sanggam aw, ei lam hizawlo in, ih up Jesu Pasian muanhuai hi. Ei ki mangngilh bawl phot in Jesu liansak zaw ni. Nalamdang a bawl 36 vei bang bek kiciamteh a, Jesu nangawn in lamdang a sak a tunga nam nihte ahi hi.
US Congress thu tomlakna
Website: https://en.wikipedia.org/wiki/114th_United_States_Congress
114th US Congress: Zion tangko hawm li na ah US president khempeuh ih gen khin a, tu in Congress thu ih gen ding hi. 1789-2017 term khat kum nihzel hi in tun a 114 veina hita hi. Tulian laitak panmun neite:
Senate President: Joe Biden
Senate Pres. Pro. Tem. Orrin Hatch
House Speaker: Paul Ryan
Members: 100 Senators
: 435 representatives
: 6 non-voting members
Term :Jan 3, 2015-Jan 3, 2017
US Kimakaihzia: State 13 kigawm khawm pen United States kici hi. Gentehna in Pentecostal Church Incorporated (PCI) leh Pentecostal Assemblies of Jesus Christ (PAJC) pawlpi nih khat ah hong kigawmkhopna United Pentecostal Church (UPC) kici tawh kibang hi. Hih US state 13 te in British khutnuai pan in vai kikupna lianpi, hong bawlkhia uh a, ki ukna, kimakaihna, kumpi nangawn hong telkhia uh a, George Washington ahi hi. Amasa lai in Congress member khempeuh
kigawm pen 55 pha hi. US kumpi Vice president pen Congress ah president hipah hi. Tua ahih man in Congress ah president a sem masa penpen John Adams hi in, amah pen US kumpi nihna sem pen zong hipah hi. Tulaitak in US president Barrack Obama hi in, vice president pen Joe Biden ahi hi, Joe Biden pen Congress ah president hipah ih.
Congress ah members: State khat pan in Senators nihta congress ah member ahi hi. Tulaitak in US ah party lian mahmah nih bek om a, hih party te in state 50 ah a gualzawhna dungzui in congress ah amau party member a tam hipah hi. 113 leh 114 Congress Senate panmun etkakna
Kum Democratic Independent Republican
2013-2015 53 _ 2 (55%) 45 (45%)
2015-2017 44 2 (46%) 54 (54%
Congress ah vote neithei pen 435 hi in, Republican in tutung in 247 seats ngah in, 109th (2005) zawh republican gualzawh kum hizokik pan ci in ki ciam- teh hi. US sum budget leh ki ukna, galphuanna (declaring war) cihte congress khut sungah om hi...
Lai Siangtho Biakinnpi Tangthu
Solomon Biakinpi
1. Kumpi asep zawh a kum 11na ah biakinn lam kipan thei ta hi.
2. Kum sagih leh alang sung lam.
3. A lam khit zawh kum 13 ciang biakinn apna nei pan
4. Izipt pan Israelte a paikhiat zawh kum 490 phata (2Khng.3:2)
5. Abraham in a tapa Isaac biakpiakna in apiakna mun Moriah mual tung ah hih biakinnpi kilam kici hi (Pian.22:2).
6. Biakinn lamna ah a bei zah pen tulaitak in $ 3-6 billions tawh kikim ding kici hi
7. Biakinn lamte
- Israel mi 30,000
- Canaan & Foenisia mi 150,000
- Tyre khutsiam hon khat
8. Biakinn apna ah 1Kum.8:26-66
Bawng: 220,000
Tuu: 120,000
Ni 14 sung pawibawl hi.
9. Kum 410 sung hih biakinn ah biakpiakna nei thei uh hi (Solomon to Zedekiah).
10. BC 586 kum in Babylon kumpi Nebuchadnezzar in haltum sak hi.
11. Pasian ompihna hih biak inn ah omtawn tung hi.
Zerubbabel biakinn (a nihna)
BC 536 kum in biakinn foundation kipan theita
BC 534 kum in ki zom thei nawnlo
Biakinn lam a zom kik dingin Haggai leh Zekhariah te Topa in kamsangin zang hi.
BC 520 kum in kizomkik thei
BC 515 kum ciangin apna kinei thei ta in, biakinn lam kum 21 sung sawt hi.
6. Laisiam Ezra in hih biak inn sungah Pasian thukhamte simna nei in, hih biakinn ah thukham singkuang tawh ki ap kha nawnlo hi, mangta hi.
Biakinn thu (LST kikal hun)
BC 168 kum in Syria galkapmang Antochus Epiphanes in hih biakinn sungah vok tawh amau pasian biakna pia in, kum thum sung kalhcip hi. BC 165 kum ciangin Judah mi Macabees innkuan makaihna tawh Syria khut sung panin biakinn lakik zo uh a, siansuah kikna nei uh a, Hanukkah pawi kici hi.
BC 20 kum ciangin Herod the Great in puahpha kik a, Jesu hun ciangin kum 46 sawtta hi (Jn.2:20).
Laisiangtho biakinn beina
AD 70 kum in Rome galkap mang General Titus in haltum hi.
Sadducee te kimuhkhopna mun hiphadeuh ahih man in, AD 70 nung lam ciangin Sadducee kipawlna hong beisuak cih ding hi.
ISRAEL LEH JERUSALEM
(AD 300-1967)- AD 312 kum ciangin Christian kumpi in Israel gam kum 300 sung luah in, Christian utlo Jews teng hawlkhia mangkhin hi.
- AD 638 kum in Israel leh Jerusalem pen kum 461 sung Muslim te khutsung ah om hi. Israel gam Jews minam omtheihna thu Muslims ten hong phalkik uh hi.
- 1099 kum ciangin, Muslim khut sung pan in Khristian ten Israel leh Jerusalem lakik uh a, Israel gam a Jews tengin thahna thuak leuleu uh hi.
- 1267 kum in Khristian ten Jews te a bawlsiatna mun Spain gam pan Rabbi (siapi) Ramban kici galtai kawikawi in Jerusalem leh tunkik in Synagogue (Jews te biak inn neu) hong lamkik hi. 1500 kumciangin Rabi minthang mi hangsan mahmah khat Rabbi Ovadia Jerusalem hong zuan kik hi.
- 1517 kumciangin Turks (Musim) ten Khristian khutsung panin Israel leh Jerusalem hong la leuleu in World War I na ciang kum 400 sung hong uk leuleu hi.
- 1917 kum World War I ciangin Brtish in leitung ah gualzawhna hong ngah bek hilo in, Turks khut sung pan in Israel leh Jerusalem hong lakhia zo hi.
- May 14, 1948 kumciangin British khutnuai pan Israel in Independence hong ngah theita in, a nuam mahmah kum mah in Jordan ten busim in Jerusalem hong laksak leuleu hi.
- 1967 kum leuleu ciangin Arab gam khempeuh in Israel hong do in, niguk galdona kici hi (Six days war). Lamet lohpi in Israel in gualzawhna hong ngah zawvet a, Jerusalem hong lakik zo in, David khangpan kum 2800 khitciangin capital city cih Jerusalem in hong ngah kik suak hi.
Mi phazah :8,296,000.
Judaism : 5,907,500
Muslims : 1,354,300
Christian : 155,100
Druze :129,800
Other : 289,900
BIAKINN THUPITNA
Pasian in hong ompihna inn ahi hi
Pasian tawh kikholhna inn ahi hi
Pasian tungah thupha ih dawhna inn ahi hi
Pasian in thupha hongpiakna inn ahi hi
Pasian tawh holim khopna inn ahi hi
Pasian in ih mawhna hong maisakna inn ahi hi
Pasian in hong khamuansakna inn ahi hi
Pasian tungah ih neihsate ih piaktheihna inn ahihi
Pasian tungah huhna ih ngetna inn mun ahi hi
Pasian tungah lungdam ih koh theihna inn ahi hi
Pasian lungsim ih telsiamna mun inn ahi hi
Pasian in ih lungsim hong theihna inn ahi hi
Pasian ih lunggulhna a khan semsemna mun ahi hi
Pasian mite tawh siangtho takin kikholhna mun ahi hi
Pasian tawh lungsim siangtho takin ih hotheihna mun ahi hi
Pasian innkuan hong malepsakna mun ahi hi
Pasian tawh ih kilemna mun ahi hi
Pasian hong itna hong phawksak thei inn ahi hi
Pasian hoihna namcim ih mitkha tawh ih bawltheihna inn ahi hi
Pasian thu a gualzawhna inn ahi hi
Pasian mite a innteekna mun ahi hi
Satan guallelhna mun ahi hi
Jesu minthanna inn ahi hi
Thunget Khop ciang
1 Hun masa ah ki-apna dingin thungen ni ci in hong ki makaih leh, a huam thunget dan in nget ding hilo hi.
2. Thunget hong nunung ding mi a kiseh leh tuate sangin ei bek zekai deudau ding hilo hi.
3. Makai te tawh thunei pian hunte ah thungen khawm ih hih leh ih siate /upate sangin zekai zawk loh ding ahi hi.
4. Siam leh siamlohna tungah Pasian maipha kingalo a, mi tawh kikholhkhopna ah pilvanna in Pasian zia leh tong ahi hi.
Website : www.zomipentecostaltv.com
Email : ziontangko@gmail.com
1 Hun masa ah ki-apna dingin thungen ni ci in hong ki makaih leh, a huam thunget dan in nget ding hilo hi.
2. Thunget hong nunung ding mi a kiseh leh tuate sangin ei bek zekai deudau ding hilo hi.
3. Makai te tawh thunei pian hunte ah thungen khawm ih hih leh ih siate /upate sangin zekai zawk loh ding ahi hi.
4. Siam leh siamlohna tungah Pasian maipha kingalo a, mi tawh kikholhkhopna ah pilvanna in Pasian zia leh tong ahi hi.
Website : www.zomipentecostaltv.com
Email : ziontangko@gmail.com
Post a Comment